للتسجيل اضغط هـنـا

شات عيون اضغط هنا لدخول الشات

اضغط هنا لمشاهدة اخر المشاركات الجديدة بالمنتدى


التغريدات والاهداءات





العودة   منتديات عيونك > -<[ الاقسام التقنية]>- > منتدى الكمبيوتر والانترنت > اخبار و منوعات جديدة

إضافة رد
 
LinkBack أدوات الموضوع انواع عرض الموضوع
قديم 25-05-11, 02:40 PM   #1

 رقم العضوية : 75433
 تاريخ التسجيل : 15 - 1 - 2011
 الجنس : انثى
 الدوله : ايطاليا
 المشاركات : 20,429
الاعجابات التي تلقيتها : 3
 عددالنقاط : 50
 تقييم المستوى : شموع الامل2011 يتقدم الى الامام
 قوة التقييم : 211
Yaaam (4) محمد دياب يكتب : ضد ثوره الغضب ''التانيه'' و مع مليونيه في نفس اليوم

هتلاقي خلاف كبير في اسباب كل واحد ناوي ينزل الجمعه 27 مايو2011.. هتلاقي اسباب يتحمل مسؤليتها المجلس العسكري زي المحاكمات العسكريه للنشطاء و عدم محاكمه الفاسدين بقانون الفساد السياسي و الاكتفاء بالكسب غير المشروع و انتهاءً بالاحساس العام لعدم القناعه بجديه محاكمه الرئيس و اولاده و زوجته


انا كنت محظوظ انه يكون لي نظره قريبه علي الموضوع ... قعدت مع المجلس العسكري اكتر من مره ... و علي قد ما كانت نظرتي ليهم فيها شك قبل ما اقابلهم حتي اني كنت من أوائل اللي انتقدوا اداره المجلس العسكري لبعض الامور، الا اني بعد مقابلتهم و سماع وجهه نظرهم و ظروف اداره البلاد في الوقت الصعب ده، تفهمت كثيراً بعض هذه القرارات و تفهمت ايضاً ان الاخطاء اللي بتحصل و ساعات بتثير الشكوك بتبقي معظمها سوء إداره و الناس معذورين في الحته دي، بيعملوا شغلانه مش شغلتهم في اصعب ظرف في تاريخ البلد.... بس اللي اتأكدت منه تماماً ان الناس دي وطنيه، و وطنيه جداً


النقطه دي مهمه جداً لما نيجي نتكلم علي المجلس العسكري ... في فرق لما انتقدهم، و بصراحه هما يستاهلوا النقد بكميه القرارات الملخبطه و فكره جس النبض بغشوميه شديده ... في حد يجس النبض يقوم في يومين يصدر قرارات بالافراج عن فتحي سرور، و زكريا عزمي ، سوزان مبارك و يسرب خبر ان مبارك هيعتذر!!!!!! في اليومين دول بس تضاعف المشككين في المجلس العسكري عن اي وقت قبل كده


للأسف المجلس مسؤل عن اهتزاز الثقه بينه و بين الناس كل شويه، تباطؤ في قراراته اللي غالباً مبتجيش الا بضغط، و إنكار لتجاوزات في حق ناشطين و مدنيين يفسر في النهايه علي انه كذب و يقلل مساحه الثقه اكتر، مع ان حل مواضيع التجاوزات دي هو الاعتراف بيها و توضيح انها تجاوزات فرديه، و عدم خبره في التعامل مع المدنيين و ليست تجاوزات منهجيه.


لكن لأننا عاطفيين و ناس كتير مننا يا يمين، يا شمال، مفيش في النص، بدأت اسمع ناس و خاصه ثوار بيحملوا الجيش مشكله كل حاجه بنمر بيها في الفتره الانتقاليه ... و هو إسلوب هايل للهروب نفسياً من الانتقادات اللي بيتهمها البعض للثوار بالمسؤليه عن الفوضي، فأسهل حاجه نفسياً الاقي شماعه جديده.


المشاكل اللي بتحصل و الانفلات الامني و المشكله الاقتصاديه اللي بنواجهها و هتزيد و احنا مصّرين ان قمه الوطنيه انكارها .. هي تمن رخيص لحريتنا و استثمار لمستقبل ولادنا ... مش كنت بتشتغل طول عمرك عشان تجوز الواد و البت و تجيبلهم شقه، اعتبر الفتره دي تحويش لمستقبلهم


و مره تانيه المشاكل دي مسؤليه النظام القديم لوحده، و حلها مستحيل هيكون كن فيكون، و حط نفسك مكان المجلس العسكري لثواني ... و قولي نحل المشكله الامنيه ازاي؟ ... بالحزم ... طب الشرطه ملهاش قوه و مهدوده، يبقي مفيش غير الجيش للي ميعرفش يتعامل مع الناس و بيطبق معاهم الاسلوب العسكري اللي مينفعش مع المدنيين، زي اللي حصل يوم السفاره الاسرائيليه ... طب لو ساب الدنيا خالص هنتبصط؟؟؟؟ لأ بنتهمه بالتراخي و التساهل و التسيب


بالتأكيد مش بقول ان مفيش حلول غير دي، بس بقول ان الموقف صعب و الجيش في موقف لا يحسد عليه ، الف حمد و شكر ليك يا رب ان محدش فينا في موقفهم


سمعت حد بيقول انا نازل عشان مش حاسس بتغيير، مصر زي ما هيه قبل الثوره و بعدها ... طب ايه علاقه الجيش بالموضوع ده!!! ... احنا شلنا النظام انما اللي الناس بقالها تلاتين سنه بتتعلمه من اخلاق و سلوكيات غلط عاوز ثوره اخلاقيه و سلوكيه هتاخد وقت طويل و مينفعش احمل حد في السلطه مسؤليتها


بالنسبه ليا شايف ان النزول يوم الجمعه الجايه ممكن يبقي مفيد و ممكن يبقي مضر ... لو النزول هيكون لأسباب و مطالب متفقين عليها يبقي ننزل ... انما لما الاسباب و المطالب تكون مش متفق عليه و مش منطقيه زي و احد كاتب احد المطالب ان الجيش يبقي بالانتخاب!!!! ده اي كلام ... للي مدخلش جيش، الجيش قايم علي الالتزام بالاوامر، و مفيش جيش في العالم كله بالانتخاب لأن دي فكره عبثيه تهد فكره الجيش نفسها


في فرق بين النزول لتأكيد المطالب و بين ناس نازله و بينها و بين الجيش تار ... اسم اليوم نفسه انا معترض عليه تماماً ... ثوره الغضب التانيه ، تذكرنا فوراً بثوره الغضب الاولي و هو اكتر يوم حصل فيه مواجهات و إستشهد فيه شهداء،... فيه حاجه اسمها الربط الذهني ... في شباب مجرد ما هيسمعوا الاسم ده هيبقوا نازلين و المواجهات في دماغهم و العدو الجديد مين؟؟؟؟ .... الجيش


سوء اداره الجيش لبعض الملفات ميخليهوش عدونا ... الساده اللي حاطين الجيش في دماغهم و معظمهم علي تويتر، علي فكره احنا مش من مصلحتنا إضعاف الجيش احنا مصلحتنا تحييده و ضمان انه ينفذ مطالب الثوره، و حتي لو فكرت براجماتياً فمصلحتنا هي الحفاظ علي الجيش كقوه تضمن الحفاظ علي مدنيه الدوله


سؤال مهم هنا ... هو لو إحنا بالضغط بتاع كل جمعه و من غير مواجهات بتتحقق كل مطالبنا، يبقي فيه داعي إننا نصعد لدرجه ان مصري تاني ممكن يفقد حياته؟؟؟؟؟؟؟؟؟؟؟؟؟؟؟؟؟؟؟؟؟


اذا كنا إتأكدنا ميه في الميه إن الجيش هيسلم السلطه، و الانتخابات كمان تلات شهور، يبقي لسه في داعي ان إسره جديده تتحرم من إبنها؟؟؟؟؟؟؟؟؟؟؟؟


يعني ننزل ولا مننزلش؟؟


انزل لو حاطط في دماغك انك بتأكد علي مطالب، زي محاكمه رؤس الفساد ، منع المحاكمات العسكريه للناشطين، محاكمه قتله المتظاهرين ... انما لو نازل و في دماغك ان يوم الجمعه الجاي هيبقي يوم المواجهه مع الجيش فأرجوك راجع نفسك




و بصراحه انا شخصياً لو اسم اليوم متغيرش لحاجه تانيه غير الاسم اللي بيوحي بالمواجهه ده و قد يتسبب في ضحايا بدون أي داعي فمؤكد إني لن اشارك




اللهم بلغت اللهم فأشهد







lpl] ]dhf d;jf : q] e,vi hgyqf ''hgjhkdi'' , lu lgd,kdi td kts hgd,l


من مواضيعي
0 أسرار الوقاية من أعراض شيخوخة اليدين
0 الحرية و العدالة : فوز "الشوبكى" و"العمدة" مكسب كبير لبرلمان الثورة
0 تغذية مريض الربو
0 رحلة إلى كوريا الشمالية...أكثر دول العالم غموضا ...فيديو
0 بالفيديو..غادة كامل تنسحب من قناة الحياة بعد تكذيب رواية تعذيبها
0 إجهاض 28 محاولة للموساد لاختراق الاتصالات منذ الثورة
0 تسمم وجبات الاطفال !!!!!
0 تحقيقات «التمويل الأجنبى»: منظمات وأشخاص حصلوا على 1.7 مليار جنيه
0 تفاصيل الفخ الذي نصبه الصحفي الإسرائيلي لـ"يسري حماد"
0 فيديو..توفيق عكاشة محمول علي الأعناق في العباسية و يشكرهم علي طريقة مبارك
0 نتائج انتخابات البيطريين : فوز الإخوان بالنقيب في 6 محافظات
0 الباحث القرآني: أداة للبحث في القرآن والسنة
0 مسيرات تجوب التحرير و غموض بشأن إستمرار الإعتصام
0 الرياضيون أكثر عرضة للإصابة بإلتهاب المفاصل
0 نساء العالم في 65 دولة وقعن فريسة لزراعة مادة مسرطنة لتكبير الثدي
0 الطب الشرعي: شهداء مجلس الوزراء قتلوا من مسافة قريبة وكانوا مقصودين
0 ساويرس يتمني إنقلاب الجيش علي الإنتخابات بعد فوز الإسلاميين..فيديو
0 هل يعاني طفلك من عدم احتمال اللاكتوز ؟
0 بوتفليقة: الجزائر ليست مصر وتونس
0 لقطة اليوم....من مدغشقر


 
رد مع اقتباس مشاركة محذوفة
إضافة رد

مواضيع جديدة في قسم اخبار و منوعات جديدة


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are معطلة


 

تفضلو بزيارة مواقعنا الصديقة من هنا

 


شرح طلب كلمة المرور من هنا


جميع الأوقات بتوقيت GMT +3. الساعة الآن 09:53 PM.


Powered by vBulletin® Version 3.8.5
Copyright ©2000 - 2019, Jelsoft Enterprises Ltd.
Content Relevant URLs by vBSEO 3.6.0